الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 (برنامج أسامه منير)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Nero A Échoué
Admin
avatar

المساهمات : 390
تاريخ التسجيل : 14/02/2010

مُساهمةموضوع: (برنامج أسامه منير)   الأربعاء فبراير 17, 2010 5:40 pm

(برنامج أسامه منير)



انا والناس وكتير من اصحابى معجبين جدا بالبرنامج الجميل انا والنجوم وهواك هانديلك علي أفاك اللى بيقدمه المذيع اللامع ذو الصوت الرخم قصدى الرخيم اسامه منير .

طبعا سر اعجابنا بالبرنامج مش سمسم لكن المزز اللى بتتصل فى البرنامج دا.
كلهم تحت العشرين وتحت البطاطين , بعد الساعه 12 بالليل والمعاد دا اكيد مقصود علشان يكون اولياء الأمور ناموا تاخد البنت التليفون وتبدأ المكالمات الملهلبه زي : ( اسامه انا عندى 14 سنه وبحب المستر بتاعى) ( اسامه انا متجوزة وعندى بنت بس بحب ابن الجيران) ( اسامه انا بحبه وهوا مش معبر أهلى) وغيرها وغيرها من العبارات وقصص الحب المشعلله ليبدأ البيه أسامه بالرد عليهم بقوله ( ولا يهمك, سيبك منه وخليكى مع اللى يستاهلك, دا كلب ولا يسوى, ازاى تعبرى واحد مش حاسس بيكى , انتى تستاهلى سيد سيدة) وهكذا حتى تتظبط البنت تماما وتنسى اللى كانت بتحبه وتلعن سلسفيل ابوة كمان ثم يكمل عم سمسم (انتى صوتك حلو اوى, صوتك بجد بيدل انك شخصيه جميله, صوتك, محمد منير ) لتبدأ اغنية محمد منير وتتحول البونيه الى الكونترول روم حيث يتواجد حاتم منير اللذى يكمل عملية التظبيط بأخذ رقم الموبايل والوعد بلقاء اسامه باشا .
وكان في واحد بيحب واحدة ومشغول عنها شويه بدافع امتحاناته والبنت اتخنقت راحت مكالمة اسامه باشا اللى تكفل بانهاء الحوار تماما مع صاحبنا
لأ وايه البيه كمان قرر ان صوته حلو وقرر يغنى كمان
يا اسامه باشا ايه مؤهلات سيادتك علشان تعمل نفسك امير الرومانسيه؟ حاجات مالكش فيها وخصوصآ أحترام السن؟ كل قصة حب مايقدرش يحكم عليها غير اللى عايشين فيها بس ماينفعش حد يتدخل ويوجه نصايح فى حاجه هوا مالوش فيها وكل مؤهلاته ان الظروف خدمته وهيافة البعض وصلته لمستوى مكنش هوا يحلم بيه .

منتظر مقترحاتكم ومشاركاتكم معنا برد او بموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sadat.findtalk.biz
 
(برنامج أسامه منير)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية حقوق السادات :: بينى وبينك :: أرض محايدة بين الشباب الكول والبنات الاستايل-
انتقل الى: